Hús í orlando
Hús á Florida
Til leigu á Florida
Framkvæmdir við fimmta herbergið sem er hennar Huldu og hennar hyski. Byrjað var á að fara í "Byko" Lowes og þar var keypt í þrjá vagna alslags efni, spýtur, rafmagnsefni og gipsplötur, svo var leigður bíll hjá "Byko" og ég fór með allt draslið heim í Goostrey, Gústi tengdasonur var yfirsmiður og var bara röggsamur. Það tók okkur tvo og hálfan dag að klára þetta herbergi, mestur tíminn fór samt í að sækja efni og spekúlera hvernig ætti að gera hlutina. Hér eru svo myndir af framkvæmdum. Svo voru keypt útiljós á bílskúrinn sem karlinn setti upp, kalla þurfti til handsmáa til að setja perurnar í.
Þá er allt tilbúið 7 dögum eftir að við hófumst handa, þá var skálað í appelsínusafa. Við fengum málara í málningavinnuna, það er allt munsturmálað og mikil sparslvinna þannig að við tókum ekki sénsinn á að fara í það sjálfir. Við urðum mjög fegnir þegar við sáum hvað þetta var mikil vinna og hvað þurfti mikið af alslags áhöldum.
Svo var Plasma tækið fellt inn í vegginn svo ekki sæjust snúrur og svoleiðis dót, allar tengingar í tækið og Smart box (Cable) og DVD eru í vaskahúsinu enda er bakið á TV þar inn i.
Svo kom í ljós að loftkælingin virkaði ekki sem skyldi inní nýja herberginu, loftið sem dælt var inn í herbergið komst hvergi út þannig að við Gústi settum útöndun á herbergið upp við loft, þá var gott að sofa í herberginu með lokaða hurð en Gústi hafði kvartað undan þungu lofti ef hurðin var lokuð fram á gang.