Ciao tutti!!                                                                                                            1. okt.

Það er búið að vera mjög fínt hérna þennan máunð sem ég er búin að vera hérna, var svona 25 stiga hiti og sól alltaf fyrst en núna þessa viku er aðeins kaldara. Ég er búin að gera margt mjög skemmtilegt síðan ég kom. Í fystu vikunni fórum við með AFS að skoða Róm og það var mjög skemmtilegt. Við sáum fullt af rosalega flottum byggingum og stöðum eins og Colosseum, St.Angels Castle, gömlu Róm,spænsku tröppurnar og margt fleira. Ég byrjaði í skólanum hér 10.sept. og það er búið að vera ágætt. Krakkarnir í bekknum mínum eru mjög fínir og þau tóku mig strax inn í hópinn og eru mjög dugleg að hjálpa mér með ítölskuna og svoleiðis. Svo báðu nokkur mig að hjálpa þeim með ensku því þau eru ekki mjög góð í henni. Ég er að læra ítölsku, frönsku, spænsku, ensku, latínu, heimsspeki, sögu, líffræði, listasögu og leikfimi. Þó að ég skilji ekki margt ennþá þá er þetta allt í lagi. En ég ætla ekki að hafa þetta lengra í bili en þið getið séð myndir af þér þegar ég var á flugvellinum að fara út og af fallega bílnum mínum sem bíður eftir mér heima.

Ciao tutti!!                                                                                                          nóv.

 Af mér er allt fínt að frétta. Ég er búin að vera hérna á Ítalíu í rúma tvo mánuði núna. Það er samt pínu skrítið að vera svona langt frá öllum og að eiga heima einhversstaðar ein úti í heimi án mömmu og pabba og allra. En það venst. Ég lifi nú samt svo allt öðruvísi lifi hérna heldur en heima á Íslandi. Ég vakna kl svona hálf átta á morgnana og fer í skólann kl 8:15.

Ég er mun styttra í skólanum hér, bara til 12, 13 eða 14. Misjafnt eftir dögum.  Svo er ég líka í skólanum á laugardögum. Ég er ekki alveg að fíla það en það venst eins og allt annað. Ég fer í ítölskukennslu tvisvar í viku og þrisvar í viku fer ég í ræktina. (Svo að ég rúlli nú ekki út úr flugvélinni í júli)  Svo fer ég á fótboltaæfingar tvisvar í viku. Ég vildi bara æfa fotbolta eins og heima en liðið sem ég æfi með hér æfir bara tvisvar í viku.  Hérna borða ég líka allt öðruvísi en heima, ég lifi á salati hérna, sem ég borðaði aldrei heima.  En hérna borða ég eiginlega ekkert kjöt og engan fisk.  Hérna borða þau allskonar fisk eins og krossfisk og skeljar. Ég er ekki mjög hrifin af þvi en ég læt mig nú yfirleitt hafa það. Ég er líka búin að prófa ótrúlegustu hluti hérna, eins og eggaldin, spínat og laukhringi. Já trúið því laukhringi, mér fannst hann ekki góður en ég smakkaði hann samt.  En það gengur alltaf betur og betur í ítölskunni.  Nú er fjölskyldan mín alveg hætt að tala við mig á ensku, þannig að núna er BARA töluð ítalska við mig.  Og ég er farin að geta bjargað mér sjálf núna á ítölsku.  En nú er komið nóg í bili. Ég læt heyra í mér aftur bráðlega.

tanti baci... ti volgio bene tutti

Freyja Dan

Hallo allir.

Jæja það er pinu langt siðan eg skrifaði síðast. En af mér er allt frabært að frétta eins og venjulega. Ég er búin að vera í 7 mánuði hérna á Ítalíu og á bara eftir 3.  Mamma, pabbi, Jói og Agúst ætla að koma í heimsókn 10 júni. og ég hlakka geðveikt til.

Núna í mars er ég búin að fara til Sardiniu í skiptiviku og líka í skólaferðalag til Prag. Það var geðveikt gaman á báðum stöðunum. Núna í lok apríl er ég og Benedetta svo kannski að fara í Gardaland sem er skemmtigarður í svona 2 tíma akstri frá Rom. Svipað og disneyland. ætlum að fara bara tvær. Svo í maí erum ég, Emma, Sebastian og Wilmer að pæla í að fara á ströndina yfir eina helgi bara við fjögur. Sem verður örugglega mjög gaman. Ég samt hlakka alltaf mest til þess að mamma og pabbi komi. Ég hlakka ekkert smá til ad hitta þau. Og þá er lika svo stutt í að ég komi heim. Ég allavega hef það alveg ægilega gott hérna eins og alltaf og ég skal reyna að vera duglegri að skrifa þessa 3 manuði sem ég á eftir. Þið getið líka kíkt á bloggid mitt ef þið viljið. Þar bulla ég mikið um hvad ég er að bralla hér í hitanum á Italíu. Já vel á minnst, það er nebblega komið vor í Róm sko. Sem þýðir 25 gráðu hiti og sól. Ég á eftir að deyja í júni þegar "hitinn" kemur. En nóg í bili. Eg læt heyra í mér fjótlega.

kveðja frá Italiu

Freyja Dan