Þá eru komnar nokkrar nýjar myndir. Aðallega af prinsessunni á heimilinu, Evu Karen skvísu. Nú fer allt að komast í fastari skorður á heimilinu. Ég búin að hella mér í meira en fulla vinnu, eins og mér er von og vísa.... reyndar alltaf aðeins erfiðara eftir því sem fleiri börn bætast við... en maður kvartar ekki meðan að manni býðst vinna ;) Gústi gæi er kominn á fullt í snjósleða hugleiðingar og liggur nú á netinu á Polaris-síðum.... það var kannski betra þegar það voru bara Formúlusíður því það er ekki hægt að eyða eins miklum peningum þar í aukahluti!!!!!! Eva Karen snúlla er komin með 1 tönn og það bólar lítið á hinum. Hún er líka dugleg að æfa sig í að standa upp og skríður út um allt. Hún er þó enn jafn mikill morgunhani og það fer nú misvel í foreldranna sem skiptast á að fara á fætur kl. 05:07 um helgar!!! :) Ingi Hrannar er orðinn svakalegur grallari og stælarnir magnast með hverjum deginum, hann á samt sem betur fer enn sínar góðu stundir, þær eru bara oftast þegar enginn sér til.... hehehe Nú er Gústi að hugsa um að taka að sér aukavinnu. Honum býðst að vinna sem dyravörður í Sjallanum.... eins og hann er nú mikill og þekktur djammari. Þá verður undirrituð nú voða glöð að fá að vakna ein allar helgar með dótturinni þegar karlinn er að drattast heim úr vinnunni....... En eins og ég segi þá er sama hvaðan gott kemur og vinna er alltaf vinna sama á hvaða tíma sólarhringsins, er það ekki?? Jæja þá er komið nóg núna, Bless í bili Hulda Sigga

Halló allir, jæja þá er að prófa að segja eitthvað gáfulegt fyrir ykkur að lesa. Þessa dagana er allt voða rólegt hjá fjölskyldunni. Ingi Hrannar og Eva Karen með sína föstu rútínu á leikskólanum og hjá dagmömmu og við foreldrarnir að reyna að nýta tíma í eitthvað uppbyggilegt. Gústi er nú búinn í fæðingarorlofinu og fer að vinna aftur á Straumrás 3. nóvember. Hann er nú pínu sár yfir því að geta ekki verið lengur í skólanum og vonandi getum við einhvern tíman bætt úr því. Ég sjálf er með nokkur skemmtileg verkefni á prjónunum en samt vantar mig meira að gera eða allavega meiri laun..... hehehe hverjum vantar það ekki. Já svona er nú staðan í dag, okkur vantar svo eiginlega að fá Freyju Dan heim til að passa fyrir okkur...... við söknum hennar mikið en vonum að hún skemmti sér vel. Gústi er reyndar búin að ráða hana í fulla vinnu við að finna Ferrari-jakka eða eitthvað álíka fyrir sig. Hún vissi ekki hvað hún var að kalla yfir sig þegar hún valdi Ítalíu sem skiptiland.  :) Bless í bili Hulda Sigga.