Í Magic Kingdom kynnist maður umgjörð og andrúmslofti gömlu, góðu daganna í Bandaríkjunum. Gestum er boðið í frumskógarævintýri, brugðið er upp myndum úr sögu Bandaríkjamanna, leiddar eru fram á sviðið ýmsar víðfrægar persónur úr kvikmyndum og myndasögum Walt Disney, farið er út í geiminn og staðið augliti til auglitis við geimverur.

Í Epcot Center er rakin saga mannlífs á jörðinni, menningar og vísindauppgötvana, horft er til framtíðar og brugðið er upp myndum af sérkennum ýmissa þjóða heims.

Í Disney-MGM Studios fá gestir að kynnast því á margvíslegan hátt og með ótrúlegum tæknibrellum hvernig kvikmyndir verða til og kynnast af eigin raun ýmsum persónum og atburðum úr víðfrægum kvikmyndum.

Animal Kingdom í Disney World. Þetta er töfraheimur, helgaður veröld dýranna. Þarna má kynnast risaeðlum frá forsögulegum tíma, dýrum nútímans og ímynduðum dýrum. Þetta er stórfenglegur dýragarður þar sem fólk fær að kynnast dýrunum og jafnframt hættunni sem steðjar nú að mörgum þeirra.

Í Walt Disney World eru margir skrúðgarðar og útivistarsvæði og tilvalið að verja a.m.k. einum sólskinsdegi í vatnsleikjagörðunum Blizzard Beach og River Country, í Typhoon Lagoon eða á Discovery Island og Pleasure Island.

Universal Studios Florida. Galdrabrögð kvikmyndanna; gestir hitta „í lifanda lífi“ víðfrægar persónur úr kvikmyndum. Meira en 50 fullbúnar sviðsmyndir, veitingahús og verslanir.

Islands of Adventure. Skemmtigarður hjá Universal Studios Florida; fimm ævintýraeyjar í manngerðu stöðuvatni.

Sea World of Florida. Stórfenglegt sædýrasafn og skemmtigarður.

Wet’n Wild. Risastór vatnsleikja- og skemmtigarður við International Drive.

Water Mania. Annar mjög fjölsóttur vatnsleikjagarður í Kissimmee.

Splendid China. Einstakur skemmtigarður í Kissimmee, Kína í fortíð og nútíð á einum degi.

Gatorland. Stærsti krókódílagarður í heimi; sýningaratriði einstök í sinni röð.

Cypress Gardens. 90 hektara skrúð- og skemmtigarður með frábærum sýningaratriðum. 528 í vestur, 27 í suður 540 í vestur

Church Street Station. Elsti hluti Orlando, við Church Street, eins konar miðbæjarskemmtikjarni með bjórstofum, veitinga- og skemmtistöðum.

NASA Kennedy Space Center Spaceport USA. Saga geimvísinda og geimkönnunar og geimáætlun NASA.

Cocoa Beach Góð strönd í aðeins 55 mílna fjarðlægð frá Eagle Creek, farið er austur 528 og stefnt á Cape Canavenal.

Orlando attractions and parks

Disney : Universal : SeaWorld / Busch Gardens : Other Theme Parks : Water Parks : Action Attractions : Distraction Attractions : ECO Tours : Night - Time : Leisure Time :